• Os discos de zona azul simplificaranlle o labor .
• Atoparaos moi cerca de vostede, nos seus comercios e no Concello.
IDENTIFICACIÓN DE ZONAS
As zonas están convenientemente identificadas nas rúas PRINCIPAL e JOAQUÍN LORIGA.
As prazas reguladas están sinaladas horizontal e verticalmente con pintura azul.
NORMAS DE UTILIZACIÓN
Os estacionamentos regulados e con horario limitado establécense para as rúas
Joaquín Loriga e Principal, e someteranse ás seguintes determinacións:
a) O estacionamento efectuarase mediante disco comprobante do horario, que indicará a
hora do estacionamento.
b) O/A conductor/a do vehículo está obrigado a colocar o disco horario no lugar da
parte interna do parabrisas que permita totalmente a súa visibilidade desde o exterior.
c) O período máximo de permanencia para un vehículo estacionado en zona azul será
dunha hora e media, agás para os vehículos de minusválidos estacionados nas prazas
reservadas a tal efecto, que será de dúas horas.
d) Quedan excluídos desta limitación, os vehículos da policía, protección civil,
bombeiros, ambulancias e persoal sanitario en servizo de urxencia, os vehículos que
utilicen as zonas de carga e descarga e aqueles outros vehículos de obras e servizos que
conten coa correspondente autorización por parte do Concello.
e) Unha vez concluido o tempo máximo de utilización, o vehículo deberá abandonar o
aparcamento, e non poderá volver a estacionar na mesma rúa ou praza, ata transcurridas
dúas horas.
f) O horario de limitación comprenderá de 09:00 a 14:00 e de 16:30 a 20:30 horas de
luns a venres e de 09:00 a 14:00 horas os sábados.
g) Despois de sinalar a hora de chegada no disco horario, non se poderá variar ata que o
vehículo abandone o estacionamento en zona azul.
INFRACCIÓNS
1. A falta de disco comprobante do horario.
2. Sobrepasar o límite horario indicado no comprobante.
3. Modificar a hora de chegada despois do estacionamento.
4. Estacionar de novo o vehículo na mesma rúa ou praza, antes de transcorrer dúas horas
contadas desde a hora de chegada.
5. Ocupar dúas prazas de estacionamento, ou non axustarse ao espazo marcado para o
vehículo.
A infracción sinalada no apartado 1 do artigo anterior será sancionada con multa de 40€,
e as sinaladas nos apartados 2, 3, 4 e 5 con multa de 30€.
As devanditas multas reduciranse nun 30% se se fixeran efectivas dentro do prazo de
quince días hábiles contados dende o día seguinte ao da recepción da notificación da
denuncia.
Os discos horarios proporcionaranse gratuitamente nos establecementos comerciais das
rúas Principal e Joaquín Loriga, rúas limítrofes e no Concello.
